heit&mem

Hantsjes yn ‘e hichte (berne-app)

Myn dochter (3) kin der net genôch fan krije. Se klikt de app sels op de I-pad oan, siket de plaatsjes op de prachtich gekleurde sykplaten yn in raptempo op en sjongt en dûnset alle ferskes fleurich mei. Ik ha it oer de nije ‘Hantsjes yn ‘e hichte’ app.
Dieuwke van der Meer 22 juli 2019

Dizze app hat fiif nije en tsien tradisjonele Fryske berneferskes. Tink derby oan ferskes as ‘Holle, skouders, knibbel, tean’, ‘Oaljefantsje yn ‘e bosk’, ‘Flip, flap, flinterke’, ‘Suze nane pope’, en ‘sa giet de mole’. 

De berneferskes wurde songen troch Janneke Brakels mei begelieding op piano troch Cor Bakker. It iene ferske is geskikt foar de alderlytsten, it oare foar de beukers en guon foar de leeftyd dêr tusken yn.

En it moaie fan dizze hiele app is… hy is gratis en fergees te downloaden foar iPad en Android!

Wat foar dyn bern? Download de app dan gau en lit ús hjirûnder witte wat do en dyn bern der fan fine!

 

05_hantsjes_fideo

Op de hichte bliuwe fan heit&mem? Meld dy oan:

  • Dit veld is bedoeld voor validatiedoeleinden en moet niet worden gewijzigd.