Noch ien kear yn dyn ledikantsje
Thea van der Schaaf 20 juli 2016
Ik til dy noch ien kear
Yn dyn ledikantsje
De grutte wrede wrâld
Makket foar hiel efkes plak
Foar de weemoed fan it memwêzen
Moarn sliepst yn in grut bêd
Fan in poppe bist wurden ta in pjut
Hoe koart liket it noch mar lyn
Datst by ús kaamst?
Dyn earste moannen
Yn de widze leidest
Ticht by mem
Ticht by heit
Doe nei it ledikantsje
Dy earste nacht
Wat wiedest in lyts mantsje
Yn dat grutte bêd
Thea van der Schaaf, mem fan Douwe, 2 (en Arjen, 5)
Op de hichte bliuwe fan heit&mem? Meld dy oan: